22 желтоқсан күні энергетика күніне орай Өскемен жоғары политехникалық колледжінде энергия үнемдеу және энергия тиімділігін арттыру тақырыбына арналған онлайн республикалық конференция ұйымдастырылды. Конференцияның мақсаты: кәсіпорындарда энергия тиімділігі мәселелеріне қызығушылықты арттыру, кәсіпорындарда энергия үнемдеу және энергия тиімділігін арттыру әдістерін енгізу бойынша тәжірибе алмасу. Конференцияны Өтепова Зәмзагүл Шаймұхамедқызы – ШҚО білім басқармасының ТжКББ бөлімінің бас маманы, Исатай Салихұлы Исин – Өскемен жоғары политехникалық колледжінің директоры және Мударов Әли Әлиұлы – «Электротехника және энергетика» бейіндік оқу әдістемелік орталығының төрағасы құттықтау сөзімен ашып, қатысушыларға сәттілік тіледі. Конференцияға республиканың 32 колледжінен 89 оқытушылары қатысты. Ғылыми-зерттеу жұмыстарының тақырыптарының өзектілігімен құрылымын талдау және алдын-ала іріктеу нәтижелері бойынша колледжіміздің арнайы пән оқытушылары: Жаналиева Майра Алтынбекқызы, Даутова Айгүл Саурбайқызы және Мөлдір Қуанышқалиқызы онлайн баяндама жасап конференцияға тікелей қатысуға мүмкіндік алды. Оқытушылардың ғылыми еңбектері ғылыми-зерттеу комиссиясы тарапынан жоғары бағаланып, Республикалық конференция материалдарының жинағына енгізіліп, сәйкестік сертификаттарымен марапатталды.
/ғылыми-әдістемелік бөлім/
