Біз қашаннан «Дүниенің кілті – оқу-білімде» деген ата сөзін ұстанған, табиғатынан жаны білуге, үйреніп-түюге құмар дана халықпыз.
Жылдармен жаңаланып, ақпараттар ағынына ілесіп, заман талабынан көрініп жүрген облыстағы техникалық және кәсіптік білім беретін оқу орындарының бірі – Каспий өңірінің қазіргі заманғы жоғары колледжі.  Тарихи қадамы тым аз болса да, тәжірибеге бай білім шаңырағы 20 жылға жуық кәсіби сапалы мамандар даярлау ісімен айналысып келеді.
Колледж миссиясы: Жаңа нарық жағдайында бәсекеге қабілетті және сұранысқа ие болашақ маман тұлғасын қалыптастыру және дамыту.
Пайымдауы: «5 жылдық келешекте: Каспий өңірінің қазіргі заманғы жоғары колледжі – бұл кәсіби білімнің инновациялық тәсілдерін және тұрақты даму қағидаларын басшылыққа ала отырып, өз миссиясын сәтті іске асыратын және еліміздің гүлденуіне үлесін қосып келе жатқан білім ордасы»
Бүгінгі таңда 18 мамандық бойынша кәсіби мамандар дайындап отырған білім ордасы мемлекетімізбен бірге жетіліп, өркендеп, жылдан-жылға өрістей даму үстінде. Бүтіндей бір елдің қаншама буын ұрпағын тәрбиелеп шығарған киелі қара шаңырақтың ел тарихындағы алатын орны ерекше.
Оқытылатын мамандықтар классификациясы
1) 02310100 Аударма ісі (түрлері бойынша)
4S02310101 Аудармашы
2) 06130100 Бағдарламалық қамтамасыз ету (түрлері бойынша)
4S06130103 Бағдарламалық қамтамасыздандырудықұрастырушысы
4S06130105 Ақпараттық жүйелер технигі
3) 04120100 Банк және сақтандыру ісі
4S04120103 Банк операциялары жөніндегі менеджер
4) 01140100 Бастауыш білім беру педагогикасы мен әдістемесі
4S01140101 Бастауыш білім беру мұғалімі
4S01140102 Шетел тілінен бастауыш білім беру мұғалімі
5) 04110100 Есеп және аудит
4S04110102 Бухгалтер
3W04110101 Бухгалтер-кассир
6) 04210100 Құқықтану
4S04210101 Заңгер
7) 07151100 Машиналар мен жабдықтарды пайдалану(өнеркәсіп
салалары бойынша)
4S07151102 Техник-механик
8) 04130100 Менеджмент (қолдану салалары бойынша)
4S04130101 Менеджер
9) 07240900 Мұнай және газ кен орындарын пайдалану
4S07240902 Техник-технолог
10) 07110500 Мұнай мен газды қайта өңдеу технологиясы
4S07110502 Техник-технолог
11) 01140600 Негізгі орта білім берудегі тіл мен әдебиетті оқытудың
педагогикасы мен әдістемесі
4S01140601 Қазақ тілі мен әдебиеті мұғалімі
12) 07140100 Технологиялық процестерді автоматтандыружәне басқару
(бейін бойынша)
4S07140102 Техник-электромеханик
13) 07130100 Электр жабдықтары (түрлері және салаларыбойынша)
4S07130103 Техник-электрик
14) 07130200 Электрмен қамтамасыз ету (салалар бойынша)
4S07130202 Техник-электрик
15) 01120100 Мектепке дейінгі тәрбие және оқыту
4S01120102 Мектепке дейінгі тәрбие мен оқытуұйымдарының
тәрбиешісі
16) 01140500 Дене тәрбиесі және спорт
4S01140501 Дене тәрбиесі мұғалімі
17) 06120100 Есептеу техниксы және ақпараттық желілер (түрлері
бойынша)
5АВ06120101 Есептеу техникасы және ақпараттық желілердің
қолданбалы бакалавры
18) 01140100 Бастауыш білім беру педагогикасы мен әдістемесі
5АВ01140101 Бастауыш білім беру педагогикасы мен әдістемесі
қолданбалы бакалавры

Жекеменшік білім беру мекемесі Каспий өңірінің қазіргі заманғы жоғары колледжі өзінің білім беру қызметін 2004 жылы 14 маусымда №6484-1915-М мемлекеттік лицензиясын алып, Қазақстан Республикасының заңнамасына сәйкес өзін-өзі қаржыландыру шартымен ұлттық білім беру жүйесі шеңберінде бастады. Колледж екі рет мемлекеттік аттестаттаудан өтіп және бәсекеге қабілетті маман дайындаудағы нәтижелі еңбегінің арқасында 2018 жылы «жоғары колледж» статусына ие болса, 2020 жылы «ARQA» Халықаралық аккредиттеу және білім беру сапасын сараптау бойынша тәуелсіз агенттігінің институционалдық және мамандандырылған аккредиттеуінен өтті.
Колледж құрылған алғашқы уақытта басшылық қызметте Мукушова Гульнара Кабдешовна болды.
Оқу орны тарихының жарқын бір беті – ҚР Білім беру ісінің үздігі Хаменова Бақытгүл Қайыржанқызының есімімен тікелей байланысты. Колледждің жаңа мамандықтар бойынша білім беруі, оқу ғимараттарының ашылуы, материалдық-техникалық базасының нығайтылуы, колледж жанындағы «Сенім» элитарлық мектеп-балабақша кешенінің» ашылуы – киелі шаңыраққа шынайы иелік жасаған Бақытгүл Қайыржанқызының басшы ретіндегі жасампаз қолтаңбасы.
Одан кейін колледж басшылығының тізгінін Рысқалиев Болат Құлмұханұлы қолына алып, жемісті еңбек етті. Ол өз кезегінде колледж ғимараттарының бой көтеруіне және жоғары колледж атануына зор еңбек сіңірді.
Бүгінгі таңда колледж басшысы Мухтаров Мустахим Харенович ұжыммен жоғары деңгейде жемісті жұмыстар атқаруда.
Колледжде болашақ маман тәрбиесіне ғұмырын сарпыған, халқының игілігі үшін жанын сала еңбек еткен азаматтар аз емес. Осы колледжде ұзақ жылдар жемісті қызмет еткен ардагер ұстаздар мен қызметкерлердің еңбектерін мақтанышпен атауға болады. Атап айтсақ, директордың оқу ісі жөніндегі орынбасарлары Лапиденова Маржан Сисекенқызы, Орынбасарова Аққу Елемесовна, директордың тәрбие ісі жөніндегі орынбасары Унаева Әлия Зинушқызы, өндірістік іс тәжірибе жөніндегі орынбасары Ахметова Айнагүл Мақсотқызы колледж игілігі үшін аянбай қызмет етті. Сонымен қатар, Мальгиждарова Гульшат Кажыкеновна, Иманғалиева Галина Сәлімқызы, Асқарова Маржан Дыбысқызы, Блялова Бағила Қырымқызы, Бименова Гульмира Ерғалиқызы, Абдрахманова Бақытжамал Насихатқызы, Броварник Ирина Анатольевна, Иманғазы Амангелді Айсаұлы, Жақсиев Коля Жұмашұлы, Қожрақова Майра Жәнекешқызы, Жүсіпова Гүлбаршын Саламатқызы, Сүлімова Маржангүл Көбейқызы, Қазбаева Биғайша Қойшықызы секілді ардагер ұстаздарымыздың ұрпақ тәрбиелеудегі еңбегі колледж тарихында қалды. Бүгінгі күні колледждің өркендеуі жолында қызмет етіп жүрген директор орынбасарлары Кабдирова Нұрлан Хамидоллақызын, Бажбенова Назымгүл Берекетқызын, Жакупова Толқын Сейткерейқызын, Каражанова Ғалия Құбайдоллақызын, Бурлакова Елена Николаевна,Саргалиева Салтанат Косаевнаны және Рахметова Фариза Сембаевнаны ерекше атауға болады.
Колледж ұжымы заманауи үдерістерге үн қосып, республика деңгейіндегі жобаларды оқу процесіне енгізу арқылы болашақ мамандардың кәсіби құзыреттілігін қамтамасыз етіп, рухани-адамгершілік құндылықтар аясында тәрбиелеуге ерекше назар аударады. Мәңгілік жалпыадамзаттық құндылықтарға негізделген кемел мінезді, ойы, сөзі және ісі бірлікте болатын адам тәрбиелеу – қазіргі қоғамның басты қажеттілігі.
Бәсекеге қабілетті болу үшін уақытпен бірге қадам басып, жаңа технологияларды меңгеру, озық әлемдік тәжірибені зерделеу және енгізу қажет. 2010 жылы колледж Еуропалық Одақтың «ҚР-да кәсіптік-техникалық білім беруді қолдау» бағдарламасының толық құқықты қатысушысы болды. 2011 жылы «Қазақстан Республикасында кәсіптік-техникалық білім беруді қолдау» жобасы аясында Германия мемлекеті, Целле қаласы Аксель Брунс кәсіптік мектебінен Ахметова Айнагүл, Алтай Қадыржан, Шагирова Жұлдыз, Жұмаш Жансейіт тағылымдамадан өткен болатын.
2014 жылы Орынбасарова Аққу, Хаменова Динара, Сүлімова Маржангүл, Унаева Алия, Қуатова Айнұр Түркия Республикасы Стамбұл қаласында Қазақстан Республикасының кәсіптік-техникалық оқу орындарының оқытушыларына арналған тағылымдамадан өтті. Тағылымдама барысында Стамбұл қаласындағы Ахмет Мертер мектебі, Доға колледжі, Шир орта мектептерімен танысты. Әріптестеріміз Түркияның білім беру жүйесімен танысып, түрлі сабақтарына қатысып, тәжірибе алмасты.
2013 жылы қазан айының 21 мен қараша айының 1 аралығында Беларусь республикасының Минск қаласында Ишутина Ирина Рашидовна, Бурлакова Елена Николаевна, Абдрахманова Айбарша Сағынғалиқызы, Қазбаева Биғайша Қойшықызы «Құзіреттілікке негізделген модульдік бағдарламаларды дайындау және енгізу» тақырыбында тағылымдамадан өтті.
2012 жылғы қараша айында колледж «Техникалық және кәсіптік білім жүйесін жаңғырту» жобасы аясында ҚР Білім және ғылым министрлігі мен Дүниежүзілік Банктің бірлескен «Институционалды даму жоспары» байқауына қатысып, 1304000 «Есептеу техникасы мен бағдарламалық қамтамасыз ету» мамандығы бойынша 380 000 АҚШ долларын құрайтын грантты иеленді. Аталған грант сомасына ақпараттық технология саласында заманауи құрал-жабдықтар, бағдарламалық қамтамасыз етулер, т.б қондырғылар сатып алынды. 2017 жылы қолданбалы бакалавриат бағдарламаларын әзірлеуге кірісті. Жинақталған тәжірибе ұжымның жаңа деңгейге көтерілуге дайындығы туралы айтты. Бұл деңгей жоғары колледж мәртебесін алу міндетіне айналды. Мақсат қойылған, оған жету керек. 2018 жылы колледж жоғары колледж мәртебесін алды. Колледждегі білім берудің негізгі стратегиясы өзгеріссіз қалды: кәсіби қызметке, мансаптық өсуге білікті мамандарды даярлау және еңбек нарығында әрдайым сұранысқа ие болу. Бірақ, 2018 жылдан бастап, жоғары колледж орта білімнен кейінгі білім берудің интеграцияланған, практикаға бағытталған білім беру бағдарламасын жүзеге асыруда. Оған 1304000 «Есептеу техникасы және бағдарламалық қамтамасыз ету» (түрлері бойынша) мамандығы бойынша «қолданбалы бакалавр» дәрежесі беріледі. Ол бүгінде жаңа жіктеулерге сәйкес аталады. Біз 2 жыл, 10 ай оқу мерзімімен оқу-жұмыс бағдарламаларын әзірледік. Он айлық бағдарламаны бірінші болып әзірленген эксперименттік модульдік-құзыреттілік бағдарламасы бойынша оқытудан өткен колледж түлектері болды. Қазіргі уақытта бізде 10 айлық бағдарлама бойынша 3 шығарылым бар. Олардың жалпы саны 30-дан асады. Олардың көпшілігі Х. Досмұхамедов атындағы Атырау университетінде және жақын шет елдерде оқуын жалғастырды. Оқу мерзімі 2 жыл, 10 ай бағдарлама бойынша 2018 оқу жылында екінші шығарылым болды.
САПАНЫ ҚАМТАМАСЫЗ ЕТУ САЯСАТЫ
Мемлекет, қоғам және жеке тұлғаның барлық талаптарына сай құзіретті мамандар даярлау.
Еңбек нарығында бәсекеге қабілетті болу үшін қызмет сапасын ұдайы жетілдіру.
Жоғары колледжде «Цифрлы Қазақстан» мемлекеттік бағдарламасын жүзеге асыру.
Сыбайлас жемқорлықтың алдын алу және оны болдырмау мәселелерін жолға қою.
Білім алушыларды қазақстандық патриотизм рухында, жалпы адамзатқа деген сүйіспеншілік сезімінде тәрбиелеу.
6. Колледж әкімшілігі өз қызметін сапа саласындағы саясатпен тығыз байланыстырып жүзеге асыруға міндеттенеді.
Бүгінгі таңда Каспий өңірінің қазіргі заманғы жоғары колледжі Республика көлемінде ғана емес, әлемдік деңгейде танымалдыққа ие болды деп нық сеніммен айтуға болады.  Оның жарқын дәлелі тәжірибе алмасу, тарату мақсатында колледждегі Қамқоршылық кеңесінің төрағасы «УОРЛИ ПАРСОНС» ЖШС-нің бас директоры – Имангалиев Талғат Асхатовичтың басшылығымен Еуропалық Білім Қорымен, Еуропалық Одақпен және өзге де халықаралық ұйымдармен, республикалық білім беру ұйымдарымен байланыс жасауға жол ашты. Түрлі жобалар шеңберінде колледж оқытушылары шетелдік алдыңғы қатарлы оқу орындарында тағылымдамадан өтті.
Халықаралық ынтымақтастықты дамыту мақсатында Ресей Федерациясының «Әлемдік Экономика институтымен» және Астрахань мемлекеттік техникалық университетімен арнайы меморандумға қол қойылып, басты шарттар негізінде қызмет атқарылуда.
Колледж тиімді стратегиялық қадамдарымен қарқынды дамып келеді және нәтижесінде 2016 жылғы Ұлттық Бизнес Рейтинг көрсеткіштері бойынша «Сала көшбасшысы-2016» лауреаты атанды.
Бүгінде білім ордасынан тәлім алып, еліміздің түкпір-түкпіріне қанат қаққан әрбір түлегіміз бар жиған білімдерін жас ұрпаққа, өз халқының игілігіне арнағаны ақиқат. Оқытушылар құрамы сандық әрі сапалық жағынан өсті.
Облысымызға танымал іргелі білім ордасында 100-ден астам оқытушы жемісті қызмет атқарады. Олардың 24-і – жоғары санатты, білікті ұстаздар, 43-і магистр, біреуі – «Білім беру ісінің үздігі», екеуі ғылым кандидаты, 6-ы – Ы.Алтынсарин атындағы медаль иегері.
Колледж оқытушылары жаңашылдықпен, шығармашылық ізденіспен үнемі биіктерден көрініп жүр. Соңғы 3 жылдың ішінде оқытушылар облыстық, республикалық байқаулардан топ жарып, жүлделі орындарды иеленуде.
Колледжде 3 бөлім, 10 кафедра, Жас педагогтар мектебі, Педагогтардың озат тәжірибе мектебі жұмыс жасайды.
Соңғы 3 жылда 79 оқытушы 41 облыстық, республикалық деңгейдегі шараларға қатысты, оның ішінде 65 жеңімпаз атанды:
Халықаралық деңгейде – 4 оқытушы
10 республикалық шарадан – 32 оқытушы
15 облыстық шарадан- 19 оқытушы
12 қалалық шарадан -10 оқытушы
Жыл сайын колледж базасында оқытушыларға арналған төмендегігей конкурс-байқаулар жүйелі түрде жүзеге асырылады:
«Үздік жыл оқытушысы»
«Үлгілік оқу кабинеті»
«Үздік жыл кураторы»
«Оқытушының үздік электронды портфолиосы»
«Кафедра бойынша шығармашылық есеп»
«Менің үздік сабағым»
«Үздік ЦОР әзірлемесі»
Колледжде жыл сайын оқу-әдістемелік қызметке қатысты 20-ға жуық шара өткізіледі. «Үздік кәсіп иесі», «Педагогикалық оқулар», «Ғаламшарлар шеруі», Кафедра апталығы, техникалық шығармашылық байқауы және т.б. кәсіби байқауларды атап өтуге болады. Колледждегі қазақ тілі мен әдебиеті пәнінің оқытушысы А.М.Ахметова «Үздік педагог – 2021» облыстық байқауына қатысып, республикалық «Үздік педагог – 2021» байқауына жолдама алған болатын. Сонымен бірге өткен жылы облыстық деңгейдегі «Креативті куратор» байқауында бақ сынаған колледж оқытушысы Орынбасаров Рахымжан Асқарұлы жеңіс тұғырынан көрініп, бас жүлдені ұтып алды.
Колледж қабырғасында білім алып жүрген бүгінгі студент – ертеңгі жас маман. Жас ұрпақты жан-жақты, терең білімді, интеллектуалдық деңгейі жоғары, ойы, сөзі бір кемел адамды тәрбиелеу – сол жас мамандардың қолында. Заманауи талаптарға жауап бере алатын, білімді де білікті маман даярлау – біздің мақсатымыз. Осы орайда жыл сайын білім алушылар қатарының артып отырғанын ерекше айтқым келеді.
Болашақ мамандарға сапалы білім алуға жағдай туғызу мақсатында колледждің материалдық-техникалық базасы үнемі жетілдірілуде. Білімді ақпараттандыру бүгінгі таңда білім беру жүйесін жаңартудың негізгі жолдарының бірі ретінде қарастырылады. Оқу кабинеттері жаңа технологиялық, ақпараттық құралдармен жабдықталған. Колледжде әр мамандықтың қажетіне сай бөлінген 300-ден аса компьютер, интернет кластар, 31 интерактивті тақтамен жабдықталған оқу және мультимедиа  кабинеттері, интернетке қосылуға мүмкіндік беретін wi-fi нүктелерімен кеңінен пайдаланылуда. Сонымен қатар студенттерге арналған 60 орындық жатақхана мен спорт алаңы  бар. Білім беру жүйесін автоматтандыру бағытында «Platonus Education Manager» платформасы жұмыс жасайды. Аталмыш құрылғылар тәрбие мен оқытуды ұйымдастырудың тиімділігін арттыруда.
Жоғары колледжде студенттерге бағытталған Жастар ісі комитетімен қоса, «Жас тарихшылар», «Шың», «Жас электрик», «Бағдарламашылар», «English Enjoy» мамандарын тарта отырып, мамандыққа бағдарланған 7 үйірме және 6 спорт секциясы (футбол, баскетбол, волейбол, шахмат, үстел теннисі, тоғызқұмалақ) және шығармашылық бағыттағы 11 үйірме жұмыс істейді.
WorldSkills Kazakhstan конкурсына Каспий өңірінің қазіргі заманғы жоғары колледжі бірнеше жылдан бері қатысып келеді.
Мәселен, WorldSkills аймақтық чемпионатына студенттерді іріктеу үшін колледжде компьютерлік мамандықтардың ішкі конкурсы өткізіледі.
2019 жылы WorldSkills облыстық чемпионатында жоғары колледжіміздің студенттері жүлделі орындарға ие болды:
– «Компьютерлік графика» құзыреттілігі бойынша 2 курс студенті Розметов Уркен, 2 орын;
– «Робототехника» құзыреттілігінде 3 орынды командалық есепте 3 және 4 курс студенттері Леонов Владимир және Иванов Николай жеңіп алды.
– Сондай-ақ, «графикалық дизайн» және «желілік жүйелері» құзыреттіліктеріне қатысатын студенттер де қатысушы сертификаттарын алды».
2021 жылы 10 желтоқсан күні Нұр-Сұлтан қаласында «WorldSkills Kazakhstan-2021» ұлттық чемпионатының қорытындылау шарасы өтті. Осы аталған чемпионатта жоғары колледжіміздің студенттері 2 қола және 1 медальон жеңіп алды. Атап айтсақ, «Есептеу техникасы және бағдарламалық қамтамасыз ету» мамандығының 3 курс студенті Картмаганбетов Бахтияр «Бизнеске арналған IT шешімдер» құзыреттілігі бойынша , Васильев Виталий «Компьютерлік ойындарға арналған 3D модельдеу» құзыреттілігі бойынша қола жүлдені қанжығасына байлады. «Бастауыш сыныптарда оқыту» құзіреттілігі бойынша Орынбаева Алина медальон иеленді.
2022 жылы да Нұр-Сұлтан қаласында «WorldSkills Kazakhstan-2022» ұлттық чемпионатқа колледжіміздің студенттері қатысып, нәтижесінде «Бизнеске арналған IT шешімдер» құзыреттілігі бойынша «Есептеу техникасы және бағдарламалық қамтамасыз ету» мамандығының 4 курс студенті Канцев Артем медальон иеленді.
Жаңа бағалау жүйесін енгізу бағытында 2021 – 2022 оқу жылынан бастап қамқоршылық кеңес мүшелерінің қолдауымен қорытынды аттестаттау демонстрациялық емтихан түрінде өткізілді. ДЕМОНСТРАЦИЯЛЫҚ ЕМТИХАН – WorldSkills (Ворлдскиллс) талаптары бойынша нақты қызметтер мен өндірістік процестерді модельдеу жағдайында практикалық дағдыларды, білім мен дағды деңгейін көрсету және тәуелсіз сараптамалық бағалау рәсімін көздейтін ТжКБ ұйымдары түлектерінің біліктілік емтиханын және/немесе қорытынды аттестаттауын өткізу нысандарының бірі. Биылғы оқу жылында 4 мамандық бойынша 33 білім алушы қамтылып отыр.
Каспий өңірінің қазіргі заманғы жоғары колледжінің белсенді студенттері 2021 жылы 7 маусымда Алматы қаласында өткен “Almaty CUP” Республикалық пікірсайыс турнирінде 40 команданың ішінен топ жарып, ІІ орынды қанжығаларына байлады.
Алматы қаласында өткен «Жеті Өнер» ІІІ xалықаралық балалар мен жастар шығармашылық фестиваль-конкурсында «xореографиялық өнер» соның ішінде «ұлттық би» номинациясы бойынша жоғары колледжімізден қатысқан студенттер «Бас жүлдеге» ие болды. «Аспапта ойнау» номинациясы бойынша Хайруллаева Айнель ІІ орынмен марапатталды. Сонымен қатар, колледж жастар ісі жөніндегі комитет инспекторы Жалғас Бағытжанұлы Қазақстан Республикасының «Үздік көшбасшы педагог» куәлігімен және медалімен, «Үздік тәлімгер» номинациясымен марапатталды.
2021 жылы 6 қараша Нұр-Сұлтан қаласында ҚР Ақпарат және Қоғамдық даму министрлігінің қолдауымен, «Қазақстан Студенттер Альянсы» студенттік қозғалысының ұйымдастыруымен ІІ республикалық Жастар ісі жөніндегі комитет шақырылымы слеті өтті. Слетқа колледж атынан директордың тәрбие ісі жөніндегі орынбасары Жалғас Бағытжанұлы қатысты. «Жастардың өзін-өзі басқару органдары жүйесін дамыту» жобасы аясында Республикалық «Қазақстанның алтын жастары» сыйлығының «Колледждің ең үздік өзін-өзі басқару ұйымы» номинациясы бойынша жоғары колледжіміз жеңіп алды.
Ақын Сансызбай Құттыбаевтың құрметіне өткізілген “Шабыт өрені” Республикалық мүшәйрасында 350 үміткердің ішінен оқ бойы озып шығып, үздік 25 қатысушының қатарына еніп, Алматыға шақырту алған колледжіміздің 2 курс студенті Төремұратова Альбина жүлделі ІІ орынға және ақшалай сыйлыққа ие болды. Жетекшісі Рахымжан Асқарұлы ұйымдастырушылар тарапынан Алғыс хатпен марапатталды.
Жұмыс барысында қол жеткізген жетістіктеріміз үлгілі ұстаздарымыздың, ұжымның ерен еңбектерінің жемісі. «Ұйымдаса білген – ұтады» деген халқымыздың тәмсіл сөзіне ден қойсақ, жұмысы жүйелі жоспарланған, алар межесі анық айқындалған жерде жеңіс те, жеміс те болатынын бағамдаймыз. Сондықтан білім саласындағы атқарылуға тиісті түрлі іс-шараларды жүйелеп, зерделей отыра жүргізсек, әлі де талай биіктерге көтерілетініміз анық.