Каспий өңірінің қазіргі заманғы жоғары колледжіне қош келдіңіздер!
Каспий өңірінің қазіргі заманғы жоғары колледжі заманауи талаптарға сай білім беруді көздейтін әрі қарқынды дамып келе жатқан Атырау өңіріндегі жетекші оқу орындарының бірінен саналады. Бүгінгі таңда колледжде құқықтану, әлеуметтік-гуманитарлық, техникалық бағыттағы 16 мамандық бойынша 2500 студент білім алуда. Оқу курстары Қазақстан Республикасының мемлекеттік жалпыға міндетті білім беру стандарттарына сәйкес жүргізіледі.
Колледждің бай оқу-әдістемелік және материалды-техникалық базасы өз кезегінде білім алушылардың айрықша дағдыларды меңгеріп, іскерлік қабілеттерін шыңдауға септігін тигізеді.
Каспий өңірінің қазіргі заманғы жоғары колледжі — жеке меншік білім мекемесі, оған Қамқоршылар кеңесі басшылық жасайды. Қамқоршылар кеңесі тарапынан студенттерге және олардың игілігіне назар аудару колледж жұмысының негізі болып табылады.
Колледж Каспий өңіріне, сондай-ақ еліміздің түкпір-түкпіріне кеңінен танымал. Іскерлік қауымдастықпен белсенді түрде ынтымақтастық аясында жұмыс жасайтын колледж ұжымы көптеген ірі компаниялардың қолдауына ие. Түрлі мазмұндағы рейтингтерде колледж тұрақты түрде алдыңғы орындардан көрініп келеді.