Қазақстан Республикасы Ғылым және жоғары білім министрлігі Тіл саясаты комитетінің ұйымдастыруымен 2025 жылғы 15–19 қыркүйек аралығында Қарағанды қаласында қазақ тілі мен әдебиеті оқытушылары арасында Ахмет Байтұрсынұлы атындағы республикалық байқау өтті.
Байқаудың негізгі мақсаты – тілдерді оқыту орталықтарының авторлық бағдарламаларын, ересектерге қазақ тілін тиімді үйрету әдістемелерін ұсынған үздік ұстаздарды анықтау, қолдау және марапаттау.
Аталған байқауда Атырау облысы атынан қатысқан колледжіміздің қазақ тілі мен әдебиеті пәнінің оқытушысы Жумагалиева Айгуль Сарсенбаевна жоғары кәсіби шеберлігін танытып, жүлделі ІІ орынға ие болды.
Бұл жетістік –ұстазымыздың тынымсыз еңбегінің, жаңашыл әдістемелік ізденістерінің және қазақ тілін дамытуға қосқан зор үлесінің нәтижесі.
Ұжымымыздың атынан Айгүл Сәрсенбайқызын шын жүректен құттықтап, шығармашылық табыс пен биік жетістіктер тілейміз!
