2025 жылдың 25 қыркүйегінде колледж кітапханасында атақты ғалым-лексикограф, филолог Сергей Иванович Ожеговтың туғанына 125 жыл толуына арналған «Сөздік – тілдегі жолбасшың» атты ақпараттық сағат өтті. Іс-шараға ИЯ/25.11 тобының «Аударма ісі» мамандығы бойынша бірінші курс студенттері куратор Кусегенова Л.О.- мен бірге қатысты.
Кездесудің басында аталмыш топтың студенті Минеева Анастасия С.И. Ожеговтың өмірі мен ғылыми мұрасымен таныстырды. Одан кейін студенттердің назарына кітапхана қорынан ұйымдастырылған сөздіктер көрмесі ұсынылды. Жастар сөздіктің түрлерімен, оның анықтамалық-іздестіру аппаратымен танысты. «Кім жылдам?» атты шағын викторина тақырыпты жақсырақ меңгеруге көмектесті.
Ерекше қызығушылықты интерактивті тапсырмалар мен сөздік ойындары тудырды. Студенттер күрделі сөздердегі екпінді дұрыс қоюға тырысты, фразеологизмдерді шешті, түрлі сөздіктерден терминдердің анықтамасын іздеді. Мұндай тәжірибелік жұмыстар теориялық білімді бекітуге және сөздіктердің жай кітап емес, оқу мен күнделікті өмірде сенімді көмекші екенін түсінуге ықпал етті.
Ақпараттық сағат көрнекті лексикографты еске алу шарасы ғана емес, студенттер үшін үлкен тәжірибелік сабақ болды. Ол сөздіктермен жұмыс істей білу сауаттылықты арттыратынын, сөздік қорды байытатынын және сөйлеу мәдениетін қалыптастыратынын көрсетті.
