Каспий өңірінің көпсалалы жоғары колледжінің «Ақпараттық-коммуникациялық технологиялар» кафедрасының оқытушысы Ишутина И.Р. және студенттері «Салтанат Сарайы» ғимаратында өткен «Атырау – 2026» цифрлық форумына қатысты.
🌐 Форумның басты тақырыптары жасанды интеллект (ЖИ), IT-бизнес, бұлтты технологиялар және өңірдің цифрлық болашағына арналды. Іс-шараға IT саласының өкілдері, мамандар, кәсіпкерлер, білім беру ұйымдары мен цифрлық технологияларды дамытуға қызығушылық танытқан жастар жиналды.
Форум аясында колледж командасы кафедраның IT бағытындағы мамандықтарын таныстырып, студенттер әзірлеген цифрлық жобаларды көпшілік назарына ұсынды:
🔹 Колледждің ресми сайты — білім беру ұйымының қызметі туралы өзекті ақпаратты ұсынатын цифрлық платформа.
🔹 Қабылдау комиссиясына арналған чат-бот — талапкерлерге оқуға түсу тәртібі мен қажетті ақпараттар бойынша жедел жауап беруге арналған цифрлық көмекші.
🔹 «Сен IT саласындағы кімсің?» кәсіби бағдарлау бағдарламасы — жастардың қызығушылықтарын анықтауға және ақпараттық технологиялар саласындағы кәсіби бағыттармен танысуға мүмкіндік беретін интерактивті құрал.
Форумға қатысу кафедра жұмысының нәтижелерін көрсетуге, практикалық жобаларды таныстыруға және цифрлық индустрия өкілдерімен тәжірибе алмасуға мүмкіндік берді. Сонымен қатар студенттер үшін заманауи IT үрдістерімен, жаңа технологиялармен және болашақ кәсіби даму мүмкіндіктерімен танысуға жол ашты.
🚀 Каспий өңірінің көпсалалы жоғары колледжі студенттердің цифрлық құзыреттіліктерін дамытуға, жас әзірлеушілердің бастамаларын қолдауға және заманауи технологияларды білім беру үдерісіне енгізуге бағытталған жұмыстарын жалғастыруда.
