Каспий өңірінің көпсалалы жоғары колледжінде ата-аналар комитетінің отырысы өтті. Жиынның басты мақсаты – колледж бен ата-аналар арасындағы ынтымақтастықты нығайту, студенттердің тәрбиесі мен қауіпсіздігін қамтамасыз ету, құқық бұзушылықтың алдын алу және ортақ мәселелерді бірлесе шешу.
📌 Отырыс барысында келесі мәселелер қарастырылды:
🔹 Студенттердің тәрбиесі, тәртібі және жауапкершілігін арттыру мәселелері;
🔹 Құқық бұзушылықтың алдын алу және қауіпсіздік шараларын сақтау;
🔹 Колледж бен ата-аналар арасындағы өзара байланысты нығайту және бірлескен жұмысты жандандыру жолдары;
🔹 Ата-аналар комитетінің құрамын қалыптастыру және жауапты мүшелерді тағайындау.
✅ Отырыс шешімімен Уразғалиев Құрмет Серікқалиұлы колледждің ата-аналар комитетінің төрағасы болып сайланды.
Комитеттің жауапты мүшелері болып төмендегі ата-аналар тағайындалды:
1️⃣ Шариполлаева Гүлвира;
2️⃣ Өтепова Самал.
💬 Ата-аналар комитеті – колледж бен отбасы арасындағы байланысты нығайтып, ортақ мақсаттарға жетуге ықпал ететін маңызды қоғамдық құрылым. Студенттердің сапалы білім алып, саналы, тәрбиелі әрі жауапты азамат болып қалыптасуында ата-ана мен білім беру ұйымының бірлескен жұмысы ерекше орын алады.
Колледж бен ата-аналар арасындағы өзара түсіністік пен сенімге негізделген серіктестік жастардың жан-жақты дамуына, қауіпсіз әрі қолайлы білім беру ортасын қалыптастыруға мүмкіндік береді.
Барша ата-аналарды ортақ іске белсенді қатысып, жас ұрпақтың жарқын болашағы жолында бірлесе еңбек етуге шақырамыз!
Бірлік бар жерде – береке бар. Бірлесе атқарған жұмысымыз жемісті болсын!
