🔥 "Сенім" мектеп-балабақшасындағы Superheroes Day
📘 «Шетел тілі пәндері» кафедрасының әдістемелік апталығы аясында элитарлық мектеп–балабақша «Сенім» оқушылары үшін «Superheroes» тақырыбында әсерлі әрі мазмұнды іс-шара ұйымдастырылды. Сабаққа 3-курс «Аударма ісі» мамандығының студенттері жетекшілік етіп, оқушыларға бағыт-бағдар берді.
🦸♀️ Іс-шара нағыз мерекеге айналды: оқушылар сүйікті суперқаһармандарының бейнесіне еніп, қиял мен шығармашылық қабілеттерін көрсетті. Студенттер дайындаған рөлдік ойындар мен қызықты тапсырмалар арқылы балалар ағылшын тілін түсіну дағдыларын дамытып, сұрақтарға жауап беріп, шағын миссияларды орындады.
🎵 Мерекелік көңіл-күйді би мен қимылды ойындар толықтыра түсті: оқушылар белсенді қимылдап, музыка ырғағымен билеп, студент-кураторлармен еркін қарым-қатынас жасады. Балалар батылдық, бастамашылдық және ағылшын тілінде сөйлесуге деген қызығушылық танытты.
🎓 Колледж студенттері үшін бұл іс-шара құнды тәжірибе болды — олар оқыту дағдыларын жетілдіріп қана қоймай, жас аудиторияға арналған коммуникативтік әдістерді тиімді қолдана алды.
✨ «Superheroes» тақырыбындағы сабақ балаларға көтеріңкі көңіл-күй сыйлап, сөздік қорын толықтырып, ағылшын тілін үйренуге деген ынтасын арттырды. Сондай-ақ бұл іс-шара колледж бен қала оқу орындарының ынтымақтастығының нәтижелі екенін көрсетті.
