Бүгін біздің колледждің белсенді студенттері «Qamqor» жобасы аясында балалар үйіне барып, бүлдіршіндерге қуаныш сыйлады. Олар кішкентайларға тәттілер мен түрлі ойыншықтар тарту етіп, жүректерін жылулыққа бөледі. 💝
Бұл игі іске жұмсалған қаражат колледж студенттері ұйымдастырған «Қазақстан халқы – бір отбасыдай» атты жәрмеңкеден жиналған болатын. Жәрмеңкеге студенттер белсене қатысып, өз еңбектері мен ынталарының нәтижесін осылайша игілікке жұмсады. Қайырымдылық шарасы жастардың мейірімділік, жауапкершілік және бірлікті бағалай білетінін көрсетті.
Балалардың қуанышты жүздері мен шынайы күлкілері – барлық еңбектің ең қымбат сыйы болды. Осы күнгі әсерлі сәттер студенттердің жүрегінде ұзақ сақталары сөзсіз. Мұндай бастамалар жастардың азаматтық жауапкершілігін арттырып қана қоймай, айналаға мейірім таратудың маңызын ұғындырады.
Колледж ұжымы студенттердің осындай ізгі істерін әрдайым қолдап, жаңа бастамаларға жол ашуға дайын. Алдағы уақытта да біздің студенттер қоғамға пайдасын тигізіп, ізгілік пен қайырымдылықты дәріптейтініне сенеміз.
