«WorldSkills Kazakhstan» Республикалық чемпионаты

2-4 желтоқсан аралығында Алматы мемлекеттік политехникалық колледжінде Республикалық «WORLD SKILLS KAZAKHSTAN» чемпионатының «Компьютерлік ойындарға арналған 3D модельдеу» құзыреттілігі бойынша жарыс ұйымдастырылды. Үш күнге созылған бәсекеге Жоғары колледжіміздің атынан Васильев Виталий (жетекшісі: Косаев Данияр Жумагалиулы) қатынасты.

Облыстық спартакиада

Қазақстан Республикасы Тәуелсіздігінің 30-жыл толуына орай, 23 қараша күні өңіріміздегі колледж және жоғары оқу орындары арасында Атырау облысы білім беру басқармасының 19.10.2021ж. күнгі № 317 бұйрығына сәйкес, облыстық спартакиада ұйымдастырылды.
Каспий өңірінің қазіргі заманғы жоғары колледжі оқытушыларынан құралған команда футзалдан алғашқы ойында жоғары колледжіміздің командасы «Қызылқоға көп бейінді» колледжін 7:0 есебімен ұтқан болатын. Екінші ойында «Бизнес және құқық» колледжін 3:1 есебімен жеңіп,жартылай финалға жолдама алды.  

Каспий өңірінің қазіргі заманғы жоғары колледж оқытушыларына алдағы облыстық спартакиада ойындарында ЖЕҢІС тілейміз !!!

Жас мамандардың педагогикалық кәсіптік шеберлігін арттыру

Әрбір ұстаз ұлттық құндылықтарды, өз ісінде инновациялық әдістерді пайдалануы қажет. Сонда ғана ұстаз деген ұлағатты атқа лайық бола аламыз. Ағымдағы жылдың 19 қарашасында Жоғары колледжіміздің жас мамандарына арналған «Жас мамандардың педагогикалық кәсіптік шеберлігін арттыру» атты әдістемелік кеңес аясында арнайы семинар өткізілді. Жоғары колледжімізде құрылған «Жас мамандар мектебі» жетекшісі Молдашева Роза Жабеновна сөз алып, семинардың мақсатымен таныстырып өтті. Семинар төңірегінде жас мамандарды педагогикалық шеберлікке баули отырып, сабақ типологиясын зерттеуді игерту бір бөлек жұмыс болса, әдістемелік көмек (қолдау) көрсете отырып, кәсіби құзіреттіліктерін дамытуға үлес қосу ол да бір үлкен жұмыс екендігін атап өтті. Кейін Жоғары колледж әдіскері Саргалиева Салтанат Косаевна «Күнделікті сабақ жоспарын жазу тәсілі жайында» сөз қозғап, жас мамандарға үлкен әдістемелік көмек көрсетті.
Жас мамандарға әдістемелік көмек көрсетуде ата-аналар жиналысы мен тәрбие сағаттарын ұйымдастыру, өзара сабаққа қатысу, семинар, тренингтердің рөлі өте зор. Сонымен қатар жас мамандарға психологиялық қолдау да қажет. Педагог этикасы, педагогикалық такт, оқушылармен қарым- қатынас жасау ережелері, тренинг өткізу. Колледж құжаттарын толтыруды, құжаттармен жұмыс жасауды меңгеру. Студенттердің жеке құжаттары, сауалнамалар толтыру уақытылы жүргізілу тиіс. Ата−аналармен қарым-қатынас жасау, оларға бала оқытудың қазіргі кездегі талаптары мен қиыншылықтары туралы мағлұмат беру, бала психологиясына көңіл бөлу т.с.с. кеңестер қоса берілді.

WorldSkills Kazakstan 2021

Елбасы Н.Назарбаев жыл сайынғы дәстүрлі Жолдауларында техникалық және кәсіптік білім беру жүйесін барынша дамыту керектігіне мән беріп келеді.
«WorldSkills – жұмысшы кәсібінің мәртебесін арттырып қана қоймай, кәсібилікті насихаттауды мақсат ететін коммерциялық емес қозғалыс. Бұл жастар арасында үлкен беделге ие». Соған орай осы жылы республикалық деңгейде алғаш рет Атырау қаласы “Каспий өңірінің қазіргі заманғы жоғары колледжі” атынан “Бастауыш сыныптарда оқыту” құзыреттілігі бойынша студентіміз Орынбаева Алина бақ сынады.
Бұл чемпионатты өткізу — міндетті түрде жалғастыру қажет әрі маңызды іс. Жастарды оқытып, олардың дағдыларын жетілдіру — бұл үлкен жұмыс.  

«Есептеу техникасы және бағдарламалық қамтамасыз ету» мамандығының 3 курс студенті Картмаганбетов Бахтияр Нұрсұлтан қаласына «World Skills Kazakhstan 2021» республикалық кәсіби шеберлік чемпионатына «Бизнеске арналған IT шешімдер»құзыреттілігі бойынша қатынасып келді.

Студенттік өмір- ізгі өмірдің бастауы

Қазақстан Республикасының Тәуелсіздігінің 30-жылдық мерейтойымен тұспа-тұс келген Халықаралық студенттер күніне орай Құрманғазы мәдениет үйінде «Студенттік өмір- ізгі өмірдің бастауы» атты Каспий өңірінің қазіргі заманғы жоғары колледжінің 1 курс білім алушыларын студенттер қатарына салтанатты қабылдау кеші өтті. Жоғары колледж директоры Мустахим Харенұлы ресми түрде Студенттік билет пен сынақ кітапшасын табыстап, студенттерімізге сәттілік тілеп жылы лебізін білдірді. Сонымен қатар, колледж директорының оқу ісі жөніндегі орынбасары Айнагүл Мақсотқызына сөз беріліп, биылғы оқу жылындағы республикалық, халықаралық сайыстардың жүлдегерлерін марапаттады. Мерекелік іс- шарада жоғары курс студенттері мен бірге білім ордасына енді келген 1 курс студенттері де атсалысып, өнер көрсетті.