«Жаңартылған білім беру бағдарламасының ерекшеліктері және жоспарлау» тақырыбында семинар өткізілді

Педагогикалық мамандықтар бойынша бітіруші студенттерге арналған «Жаңартылған білім беру бағдарламасының ерекшеліктері және жоспарлау» тақырыбындағы мобильді консультативті-әдістемелік оқыту семинары өтті.
Әдістемелік орталықтың педагог мамандар даярлайтын колледждердің бітіруші студенттеріне арналған жаңа жобасы алғашқы жұмысын біздің Жоғары колледжімізден бастады. Әдістемелік орталық әдіскері Жалмуханова Балауса ханым “Бастауыш білім беру”, “Негізгі орта білім” мамандықтары бойынша білім алып жатырған түлектерге білім беру жүйесіндегі трендтер, жаңартылған білім беру мазмұны жөнінде тың ақпараттармен бөлісті.
Студенттеріміздің жаңаша ойлауына себепкер бола білгені үшін, кәсіби маман болып қалыптасуға бағдар бере білгені үшін Әдістемелік орталық әдіскері Жалмуханова Балауса ханымға риясыз алғысымызды білдіреміз!
2 күнге созылған оқыту семинары студенттеріміздің болашақ еңбек жолдарына өз көмегін тигізіп, бір-бірімен тәжірибе алмасып, шеберліктерін шыңдауға үлкен мүмкіндік болды деп есептейміз.

«Бір ел — бір кітап. Тәуелсіздігіміздің 30 жылдығына — 30 кітап»

Қазақстан Республикасы Тәуелсіздігінің 30-жылдығына орай Каспий өңірінің қазіргі заманғы жоғары колледжінің кітапханасында «Бір ел- бір кітап» тақырыбында дөңгелек үстел өткізілді. Аталмыш шараға Ғ.Сланов атындағы облыстық ғылыми әмбебап кітапханасының оқырмандарға қызмет көрсету бөлімінің кітапханашысы Байешова Ғалия Сәлімжанқызы ZOOM платформасы арқылы қосылды. «Сенім» элитарлы мектеп- балабақша кешенінің кітапханашысы Қали Римма Амирқызы Ы.Алтынсариннің «Өнер- білім бар жұрттар…» кітабын таныстырды. Ғ.Сланов атындағы облыстық ғылыми әмбебап кітапханасының мамандары «30 жылдыққа -30 кітап» тізіміне енген кітаптарды таныстырып, қысқаша түсіндірме беріп өтті.
Қазақ тілі және әдебиет пән оқытушысы Жұмаш Данагүл Русланқызы — «Алғашқы айлар» (М.Иманжанов) туралы әңгімелеп берді. 
Сонымен қатар, негізгі орта білім берудегі тіл мен әдебиет оқытудың педагогикасы мен әдістемесі мамандығының 1/21.11 топ студенттері өздерінің оқыған кітаптарын талқылады. Атап айтсақ, Лимарова Венера — «Дарабоз» (Қабдеш Жұмаділов), Жумабаева Инкар — «Алғашқы мұсылман Хадиша ради Аллаһу анһа» (Абдулла Кулькибаев), Аралбай Бекзат — «Аq pen Qara » (Бағлан Әбдірайым), Серикова Жулдыз — «Хочу и буду» (Михаил Лабковский) кітаптарын таныстырып, көрермен студенттерге оқуға кеңес білдірді. Жоғары колледж кітапханашысы Ирина Анатольевна Броварник шараны қорытындылап, атсалысқан студенттерді сертификаттармен марапаттады және «Абайдың қара сөздері» жиынттығын сыйға тартты.

«GAME MASTER» ойын қолданбалары мен бағдарламалары

11 қарашада Каспий өңіріінң өазіргі заманғы жоғары колледжінде “Game master”ойын қолданбалары байқауы өтті. Сайысқа қатысқан студенттер әртүрлі платформаларда және әртүрлі бағдарламалау орталарында әзірленген ойындарын көрсетті.
Мектеп жасына дейінгі балаларға арналған ойындар кешенін құрастырғаны үшін бірінші орын қолданбалы бакалавриаттың 5 курс 4.21.51 тобының студенті Ян Кондрашовқа берілді. Ол 4 ойын ұсынды.«Гонки», «Найди отличия», «Считалочка», и «Цветовой тренажер».
Екінші орынды 4.19.33 тобының студенті Канцев Артем «Farm TD» ойын бағдарламасын, 4.18.42 тобының студенті Сағынов Бейбарыс C# редакторында жасалған ойынмен бөлісті.
ІІІ орынды Мурсалимов Эльдар 4.18.44 тобының студенті «Танчики» ойынымен, 4.19.33 тобының студенті Әбішев Нұрдәулет «Ұстап ал» ойынымен және Құбайдуллаев Даниал «Лабиринт» және «Танки» ойындарын көрсетіп аталған орындарға ие болды.
Сайыскерлерімізге одан әрі шығармашылық табыстар тілейміз, сонымен қатар компьютерлік ойындарды бағдарламалау және әзірлеу дағдыларын шыңдай түсуіне тілектеспіз.

«Жас сарбаз» облыстық әскери-интеллектуалдық эстафета ойындары

Атырау аймақтық дене тәрбиесі және спортты дамыту орталығының ұйымдастырумен 9-10 қараша аралығында ТжКББ ұйымдары арасында «Жас сарбаз» облыстық әскери-интеллектуалдық эстафета ойындары өткен болатын. Аталмыш эстафета ойындарына Жоғары колледжіміздің 1-2 курс студенттерінен құралған «Жалын» тобы қатысып, жүлделі ІІ орынды иеленді.

«Демонстрациялық емтихан «WorldSkills» талаптары бойынша білім алушыларды аттестаттаудың жаңа форматы»

Каспий өңірінің қазіргі заманғы жоғары колледжінде 2021 жылдың 13 қазанында «Демонстрациялық емтихан «WorldSkills» талаптары бойынша білім алушыларды аттестаттаудың жаңа форматы» тақырыбында семинар өтті.

Демонстрациялық емтихан элементтерін енгізудің мақсаты -Каспий өңірінің қазіргі заманғы жоғары колледжінің /ҚӨҚЗЖК/ білім беру бағдарламаларын игеру нәтижелерінің WorldSkills стандарттарының тиісті құзыреттіліктер бойынша талаптарына сәйкестігін анықтау болып табылады.
Семинар барысында:
🔰 Демонстрациялық емтихан шеңберін қалай ұйымдастыра аламыз?
🔰 Түлектерді даярлау жүйесінде демонстрациялық емтиханды енгізудің пайдасы неде?
🔰 Демонстрациялық емтихан арқылы дайындық шеңберін қалай ұйымдастыра аламын? Жоғары колледж оқытушыларының көкейінде жүрген сауалдарға кең көлемде нәтижелі сұхбат болды. APEC PetroTechnic Жоғары колледжімен ынтымақтастық негізінде директордың академиялық және өндірістік жұмыс жөніндегі орынбасары Варавина Виктория Георгиевна, ЦӘК арнайы пәндер төрайымы; WS халықаралық сарапшысы Қалдыбаева Алтынай Саматқызы қатысып, өз тәжірибелерімен бөлісті.
Семинар арқылы білікті мамандарды даярлау, сондай-ақ, WorldSkills аймақтық және салалық чемпионаттарының өткізілуіне және халықаралық чемпионаттарға қатысуына барынша ықпал ету жөнінде ойлар айтылды.
Алдағы уақытта да APEC PetroTechnic Жоғары колледжімен бірлескен шаралар жалғасын таба берері сөзсіз.