Қазанның 1 мен 10 аралығында Колледждің 20-жылдық мерейтойы қарсаңында «Бір ел бір кітап!» ұлттық жобасының аясында қазақ әдебиетінің қазынасына енген қазақ балалар жазушысы Бердібек Сокпақбаевтың туғанына 100 жыл толуына арналған «Халқы сүйген қаламгер!» онлайн-викторинасы колледж кітапханашысы Броварник Ирина Анатольевнаның ұйымдастырылуымен өткізілген болатын. Викторинаға Атырау, Астана, Алматы, Ақтау, Ақтөбе, Талдықорған, Шымкент қалаларының колледждерінен барлығы 293 адам қатысты.
Ең көп қатысушы Каспий өңірінің көпсалалы жоғары колледжінен — 69 адам. Оның ішінде өз студенттерімен бірге топ жетекшілері де қатысты. Онлайн-викторинаға студенттердің қатысуын ұйымдастырған және жақсы нәтиже көрсеткен топ жетекшілері: 7.24.12 тобы (Шайдоллаева А.Н.) — 20 студент, 11.23.21 тобы (Даулеткалиева Н.Т.) — 18 студент, 20.24.21 тобы (Жұмаш Д.Р.) — 8 студент, 20.22.31 тобы (Қуатова А.З.) — 5 студент қатысып, жақсы нәтижелерін көрсетті. Викторинаның барлық сұрақтарына дұрыс жауап берген ағылшын тілі пәнінің оқытушысы Ақтоты Ғалымжанқызы Ахмедиева ерекше Алғыс хатпен марапатталды.
Викторина қорытындысы бойынша марапаттау рәсімі Республика күні қарсаңында «Қазақстан кітапханашысы» төл мерекесі күніне орай салтанатты түрде өткізілді. Шарада Облыстық балалар кітапханасының қызметкерлері «Балалар әдебиетінің бәйтерегі» атты көшпелі көрмесімен таныстырды. Қонағымыз балалар мен жасөспірімдерге қызмет көрсету бөлімінің кітапханашысы Молдашева Жұлдыз Зұлқожақызы Бердібек Ыдырысұлы Сокпақбаевтың шығармашылығына баяндап, кітап сүйер қауымға ұсынылатынн әдебиеттеріне шолу жасады. Колледж студенттерінің кітап оқуға құмарлығын арттыру мен қызығушылығын ояту, қазақ ақын-жазушыларын ұлықтау- әрбір елін сүйетін азаматтың міндеті болып табылады деген пікірді, кез-келген тәлімгеріміз басты назарында ұстаса екен дейміз. Сонда, жастарымыз, өскелең ұрпағымыз сауатты да зиялы болып өсетіні анық.
Кітапханашы КӨКЖК Броварник И.А.
