«МЕН ЖАСТАРҒА СЕНЕМІН» АТТЫ СТУДЕНТ ЖАСТАРДЫҢ IX РЕСПУБЛИКАЛЫҚ ПАТРИОТТЫҚ ФОРУМЫ

ҚР Тәуелсіздігінің 30 жылдығына, Тұңғыш Президент күніне орай Алматы қаласы, Әл-Фараби атындағы Қазақ Ұлттық университетінде өтіп жатырған «Мен жастарға сенемін» IX Республикалық патриоттық форумы аясында жоғары колледж белсенді студенттері қатынасып «Тәуелсіздік және жастар» номинациясы бойынша «Үздік» деп таңылды. Атап өту керек, шараға әр өңірден 2000ның үстінде ЖОО мен колледждер студенттерінен өтініш түсіп, 103 қатысушы финалға жолдама алған болатын. Барша қатысушыларды шын жүректен құттықтаймыз!

Студенттік өмір- ізгі өмірдің бастауы

Қазақстан Республикасының Тәуелсіздігінің 30-жылдық мерейтойымен тұспа-тұс келген Халықаралық студенттер күніне орай Құрманғазы мәдениет үйінде «Студенттік өмір- ізгі өмірдің бастауы» атты Каспий өңірінің қазіргі заманғы жоғары колледжінің 1 курс білім алушыларын студенттер қатарына салтанатты қабылдау кеші өтті. Жоғары колледж директоры Мустахим Харенұлы ресми түрде Студенттік билет пен сынақ кітапшасын табыстап, студенттерімізге сәттілік тілеп жылы лебізін білдірді. Сонымен қатар, колледж директорының оқу ісі жөніндегі орынбасары Айнагүл Мақсотқызына сөз беріліп, биылғы оқу жылындағы республикалық, халықаралық сайыстардың жүлдегерлерін марапаттады. Мерекелік іс- шарада жоғары курс студенттері мен бірге білім ордасына енді келген 1 курс студенттері де атсалысып, өнер көрсетті.

Үстел теннисінен Облыстық спартакиада

Атырау аймақтық дене тәрбиесі және спортты дамыту орталығының ұйымдастырылуымен өткен Қазақстан Республикасы Тәуелсіздігінің 30 жылдығына орай, колледж студенттерінің арасында өткен облыстық спартакиадасында Каспий өңірінің қазіргі заманғы жоғары колледжі үстел теннисінен ұлдар кұрамасы 3- орынға ие болып, қыздар кұрамасы жүлделі 2-орынды иеленді.

30 кітап — Тәуелсіздіктің 30 жылдығына

Қазақстанда 2021 жыл Тәуелсіздік жылы деп жарияланды. Осыған орай «Бір ел – бір кітап» республикалық акциясы ел тәуелсіздігінің 30 жылдығына арналды. Аталмыш акция аясында «30 кітап — Тәуелсіздіктің 30 жылдығына» атауымен танымал қазақстандық авторлардың поэзия, проза, драматургия, балалар әдебиеті және аударма саласындағы 30 үздік шығармасы жалпыхалықтық оқуға іріктелді.