Колледжде Республикалық ғылыми-тәжірибелік онлайн конференция өтті

Бүгін, 31 наурыз күні Атырау облыстық Білім беру басқармасының әдістемелік орталығы пен Каспий өңірінің қазіргі заманғы жоғары колледжінің бірлесуімен “Қазіргі заманғы инновациялық даму құралдары мен тетіктері” тақырыбында республикалық ғылыми-тәжірибелік конференция өтті.

Конференцияның мақсаты — техникалық және кәсіптік білім беру жүйесіндегі жаңа инновацияларды, технологияларды зерттеу және енгізу. Ғылыми және практикалық іс-тәжірибелерімен бөлісу  болып табылады.

Конференцияға Атырау, Нұр-Сұлтан, Көкшетау, Ақтөбе, Қазалы, Семей, Алматы өңірлерінен, Батыс Қазақстан облысы, Маңғыстау облысы, Қарағанды облысы, Шығыс Қазақстан облысынан әріптестеріміз қатынасты. 

Конференция 4 түрлі бағыт бойынша қамтылды:
1. Жаңартылған оқыту бағдарламасының өзектілігі,
2. Дуалдық және модульдік құзіреттілік,
3. Кредиттік технологияларды оқу үрдісінде пайдалану,
4. Қашықтан оқытудың тиімділігі;

Алғашқылардың бірі болып Атырау облысы Білім беру басқармасы басшысының орынбасары Елдос Хамзин алғы сөз алып, конференцияның маңыздылығына тоқталды.

Конференция 2 түрлі секцияда ұйымдастырылды.

1-cекцияда Ж.Досмұхамедов атындағы жоғары педагогикалық колледжінің  директордың оқу-әдістемелік жұмыстар жөніндегі орынбасары Мұхтар Зинур, 2-секцияда Атырау облыстық Білім беру басқармасының әдістемелік орталығының бөлім басшысы
Бегалиева Гулнар жұмыс жасады.

Іс-шара барысында түрлі баяндамалар оқылып, қатысушылар арасында өзара пікір алмасу болды.

1-секция
2-секция

Сертификаттарды жүктеу

Конференция материалдарын жүктеу

КӘСІПТІК ТӘЖІРИБЕ.

Балабақша әдіскері Нұргүл Бағытқызы. Кәсіптік тәжірибе барысында машықтанушыларға оқу әрекетін ұйымдастыру жұмыстарымен таныстырып кеңес беруде үнемі атсалысады. Болашақ тәрбиеші мамандарды түрлі ұйымдастыру жұмыстарына қатыстырады, бағыт-бағдар береді. Міне, кәсіби құзіреттілікті көтеруде машықтану тәжірибесінің студенттер үшін маңыздылығы ерекше керек екендігі сөзсіз. Іс-тәжірибедегі студенттеріміз кәсіби біліктерін арттыруда балабақша ұжымына риза.

КӘСІПТІК ТӘЖІРИБЕ — БОЛАШАҚ МАМАННЫҢ ӨЗІН — ӨЗІ ДАМЫТУЫ.

Кәсіптік тәжірибе: Каспий өңірінің қазіргі
заманғы жоғары колледжі 19.18.21. «МТД» мамандығының білім алушылары тәжірибелік дайындықтан өтуде.
Атырау қаласы, «Жадыра» 55 балабақша-бөбекжайы.
Іс-тәжірибе кезінде студенттер ұйымдастырылған оқу-іс әрекеті барысында тәжірибе жинақтауда. Білім алушылар тәрбиеші жұмысымен танысып, білімдерін толықтырып шыңдалуда. Тәрбиешінің өткізген оқу іс-әрекетін бақылап, өздері де өткізіп көруде.
* Менің әдіскер ретіндегі мақсатым: практиканттарға әдістемелік әңгімелесу, режимдік үрдістерді, сабақтарды өткізіп көруін ұйымдастыру, кеңес беру.
* Балабақшада: Іші мұнтаздай таза, шағын балабақша іші әдемі көрінді. Балабақша бүлдіршіндері у-шу, әсем күлкілерімен еріксіз күн шуағындай қарсы алды.
* Әдіскермен кездесу: Балабақша әдіскері Назгүл Ізбасарқызы Ориспаева. Жылы жүзді ізгілікпен, мейірімділікпен баурап алды. Студенттерді мамандыққа бейімдеуде тәрбиешілердің жүргізіп жатқан жұмыстары туралы айтты, колледж студенттеріне ризашылығын білдірді.
* Топтарды аралау: Студент Рақымжанова Шынар би залында. Балалармен бірге билеуде. «Қалпақ» биін тамашаладым, риза болдым.
Ортаңғы топта Сайфуллина Шалқу балаларға ертегі оқуда.
*Ой толғаныс.
Міне, кәсіби дағдыны, бейімділікті байқау мақсатында балабақшада өткізген бір күнім студенттердің мамандыққа деген көзқарасымен ынтасынан ой толғауға да себепші болды. Кәсіптік тәжірибе — болашақ маманның өзін-өзі дамытуы.
* Балабақша басшысы Стамғалиева Баршагүл әріптесіме ризашылығым шексіз. Еңбек жолында шығармашылықпен көріне берсін.

Білім алушылардың кәсіби практикасы

Болашақ мамандар 19.18.21 тобы «Алтын кілт», «Бәйтерек» балабақшаларында кәсіптік тәжірибеден өтуде. Ұйымдастыру, өткізу, бақылау мақсатында кәсіби іс-әрекетке дайындалуда. Тәрбиеші және әдіскердің көмегімен білім алушылар оқу-тәрбие жұмыстарын ұйымдастырудың дағдыларын үйренуде. Студенттер Абатова Шұғыла, Ермұханова Аягөз, Жанғалиева Мәншүк, Хамитова Гүлнұр, Шүйшова Ұлжан балалармен режимдік сәттерді өткізуде қызығушылықтарын да танытты. Әдіскер Нұргүл Багитовна, тәрбиеші Салтанат Тыныштыққызымен тәжірибе алмасудағы сәттерін ой бөлісе тыңдады.

Есказиева С.Т.