Бағдарламалық инженерия кафедрасының 10 күндік апталығының жабылуы

Каспий өңірінің қазіргі заманғы жоғары колледжінде 1-15 қараша аралығында «Бағдарламалық инженерия» кафедрасының он күндігі өткен болатын. Онкүндік аясында бірқатар іс-шаралар өткізілді . Оның ішінде ашық сабақтар, олимпиадалар, конкурстар, ойын бағдарламаларын жасақтау мен конференциялар.Мамандыққа қатысты белсенділік танытқан студенттер сертификат, диплом, алғыс хаттармен марапатталды.

«GAME MASTER» ойын қолданбалары мен бағдарламалары

11 қарашада Каспий өңіріінң өазіргі заманғы жоғары колледжінде “Game master”ойын қолданбалары байқауы өтті. Сайысқа қатысқан студенттер әртүрлі платформаларда және әртүрлі бағдарламалау орталарында әзірленген ойындарын көрсетті.
Мектеп жасына дейінгі балаларға арналған ойындар кешенін құрастырғаны үшін бірінші орын қолданбалы бакалавриаттың 5 курс 4.21.51 тобының студенті Ян Кондрашовқа берілді. Ол 4 ойын ұсынды.«Гонки», «Найди отличия», «Считалочка», и «Цветовой тренажер».
Екінші орынды 4.19.33 тобының студенті Канцев Артем «Farm TD» ойын бағдарламасын, 4.18.42 тобының студенті Сағынов Бейбарыс C# редакторында жасалған ойынмен бөлісті.
ІІІ орынды Мурсалимов Эльдар 4.18.44 тобының студенті «Танчики» ойынымен, 4.19.33 тобының студенті Әбішев Нұрдәулет «Ұстап ал» ойынымен және Құбайдуллаев Даниал «Лабиринт» және «Танки» ойындарын көрсетіп аталған орындарға ие болды.
Сайыскерлерімізге одан әрі шығармашылық табыстар тілейміз, сонымен қатар компьютерлік ойындарды бағдарламалау және әзірлеу дағдыларын шыңдай түсуіне тілектеспіз.

Бағдарламалық инженерия кафедрасының «Мені қызықтырған әлем» атты 10 күндік

Техника қарқыны артқан қазіргі уақытта компьютерлік сауаттылық деңгейіне қойылатын талап та жоғары. Болашақ білімді ұрпақ, кәсіби маман болып қалыптасуды талап етсе, оның басты кілті – барлық ғылымды, жаңартылған технологияны меңгеруінде. Осы орайда, Жоғары колледжімізде 1-15 қараша аралығында “Бағдарламалық инженерия”   кафедрасының «Мені қызықтырған-әлем!» тақырыбындағы информатика және ІТ пәндерінің онкүндігі басталды. Онкүндік аясында студенттеріміздің оқып-үйренудегі танымдық қабілеттерін дамытып қана қоймай, теориялық және тәжірибелік бағыттағы ашық сабақтар, олимпиадалар, конкурстар, ойындар мен конференциялар өткізу басты назарға алынып отыр. Онкүндіктің ашылуы «Информатика – екінші сауаттылық» атты копирайтерлер байқауымен басталып, оған 2,3,4 курс студенттері қатысқан болатын. Студенттер орыс, қазақ, ағылшын тілдерінде жылдам әрі дұрыс теру бойынша сайысқа түсті. Ал, екінші турда байқаудың финалистері бағдарламалық кодты теріп, жылдамдығы ғана емес, теру қателерінің жоқтығы да бағаланды. Байқауға ақпараттық-техникалық бөлім бойынша Нұрғиса Бекжан, Әбішев Нұрдәулет, Бадаубаев Ренат, Власова Галина, Темірхан Ерсін және басқа да студенттер қатысып, бақтарын сынады. Нәтижесінде, «Компьютерлік технологиялар және бағдарламалық қамтамасыз ету» мамандығының 3-курс (4/19.33 тобы) студенті Дюсенбаев Алишер байқау жеңімпазы атанды. Жүлделі ІІ орынды қолданбалы бакалавриат 4/21.21 тобының 2-курс студенті Жаңбырбаев Алишер иеленсе, ІІІ орын 4/18.44 тобының 4-курс студенті Александра Червячеваға бұйырды. Байқау жеңімпаздары мен қатысушыларын шын жүректен құттықтаймыз.          Онкүндік шеңберіндегі іс-шараларда кафедра оқытушылары мен бөлім студенттері кәсіби тәжірибе алмасып, берік қарым-қатынас орнайды деген сенімдеміз.