Рубрика: #атаулыкүндер

Сіздерді 8 Наурыз – Халықаралық әйелдер күнімен шын жүректен құттықтаймын!

 «Бәрі де адамның өз қолында, ал адам әйелдің алақанында» деген қанатты сөз тауып айтылғандай. Расымен де, ұрпақ бойына тілімізді, қасиет тұнған салтымыз бен ғұрпымызды ана сүті арқылы санаға сіңдіретін де – Сіздер! Әр үйдің, әр отбасының берекесін кіргізетін де – Сіздер!

Сіздер, тіпті, ұжымда да Ерекшесіздер! Өйткені, Білім беру саласының қиындау тұстарына сабырлық танытып, аянбай қызмет етіп жүрген озат тәжірибелі жансыздар. Сондай-ақ, Жоғары колледжіміздің алдыңғы лектен көрініп, білім алушыларымыздың әрі тұлға, әрі кәсіби маман болып қалыптасу үрдісінде Сіздердің ұстаздық қабілет пен ұжымдық игі істеріңіздің рөлі зор деп білемін.

Осындай, керемет мереке қарсаңында Жер-Ананың тұла бойынан нәр алып, сәніне сән қосқан Сіздерге көктемнің көңіліндей шуақты күндер тілеймін!

Сіздер жаққан сәулелі шырақ сөнбесін! Мерекелеріңізбен, аяулы ардақтылар!

Ізгі ниетпен, жоғары колледж директоры М.Х.Мұхтаров

Қазақтың сайын даласында еркін өскен бабаларымыздың заманында аспанға бұрқақша атқылап, әлемді тамсандырған қазақ мұнайына ғасырдан астам уақыт өтті. Ата-бабаларымыздың «қара алтынды» қауғамен тартып, түйемен игерген Мұнайшылар күнімен Сіздерді құттықтаймыз!
⠀
Еліміздің өзге мемлекеттердің алдында еңсесі биік, абыройының асқақ болуында осы мұнай саласының атқаратын рөлі зор. Сондықтан сіздердің бүгінгі еңбектеріңіз ертеңгі әлемдік аренадағы еліміздің беделімен тығыз байланысты деп ойлаймыз.
⠀
Колледжіміз 10 жылдан астам уақыт мұнай саласында мамандар дайындап келеді. Қазіргі таңда түлектеріміз еліміздің және әлемнің түкпір-түкпірінде қызмет атқаруда.
⠀
Осы орайда мұнай саласындағы колледжіміздің серіктестерін, болашақ мұнайшыларымызды және колледжіміздің бір бөлігі- мұнай және газ бөлімін мейрамдарымен шын жүректен құттықтаймыз! Сіздерге темірдей денсаулық, алтындай абырой тілейміз! Жұмыста жемісті, оқуда озат болуыларыңызға шын жүректен тілектеспіз!

#caspiancollege #атаулыкүн #oilday #псвк